|
|
pikantno chinsko zupa szpinakowo na kokosie/wersja uproszczono/ - pycha!
|
sam recepta:
To je krymowo zupa ze swiyrzym szpinakym i zielonom cebulom i porom. Wuasciwie
robi sie to we "woku", ale niykoniecznie:)
500 g swiyrzego szpinaku
1 mauo pora
pou wionzki zielonyj wiosynnyj cebuli
3 zombki czosnku
kawauek(wielkosc orzecha wuoskego) swiyrzego korzynia imbiru
puszka kukurydzy(340g po odloniu wody)
2 uyzki oleju kokosowego
pou uyzki Sambal Oelek
400 ml mlyka kokosowego
swiyrzo potarty muskat
sol
1.Szpinak przebrac, umyc w zimnyj wodzie, i oorzondnie odcedzic na sitku. Tera
rubo pokroc.
2.Pora i zielono cebula umyc i pokroc skosnie na ciynke kronzki. Obrac czosnek i
imbir i fajnie posiekac. Ziarna kukurydzy we sitku wypukac wodom i richtik odkapac.
3.Wok rozgrzoc i dac olyj. ora, cebula zielono, czosnek i imbir wciepnonc rajn i
3 minuty przipiyc. Dodac odkapane liscie szpinaku i krutko wszysko dusic - az
sie klapnom/skurczom te liscie.
4.Mlyko kokosowe wloc. Kukurydza i Sambal Oelek dodac, miyszac i kajs 5 minut
gotowac. Ze muskatym i solom dosmakowac.
Na koniec podawac we miseczkach i piyknie wyglondo to prziozdobione "kwiotkym
chili"(ale niy musi byc:). Idzie do tego podawac we osobnyj miseczce dobry ryz
ze Sambal Oelek - ale tysz niy musi byc:))
Zamiast oleju kokosowego idzie od biydy dodac olyj sesamowy ewyntualnie. To je
ale juz naszo wariacja.
Kwiotki chili robi sie tak!
szpica papryczki chili odkroc i reszta papryki ze sztynglym nakroc we
pouowie(ale niy przekroc do konca!). Pestki wyciepnonc a te niy do konca
przekrone pou chili ciynko nacinac i potym 20 minut czimac we zimnyj wodzie.
Tera wiycie co to je "kwiotek chili" :))
To niy ino piyknie wyglondo ale i super smakuje tako zupa ze szpinaku. Wuasciwie
to my w doma niy godali szpinak ino "szpinat"
(tyn przepis je na wersja orginalno)
Smacznego!
|
|
| Oceń ten plik (obecna ocena : 1.5 / 5 głosów: 41) |
|
|
|
|
|
|
