Downo tymu ludzie padali ize jak kery czimou mode cipliki we doma coby fajnie sie chowauy, to musiou dowac obacht coby mu taki ciplik niywloz pod uozko. Jak niy pilnowou i taki ciplik, na kerwego sie skrzotek godauo, skrou sie pod uozkym, to moguo sie to zle skonczyc, bo ...

..., bo tyn skrzotek siedziou couki czas pod uozkym i z dziobka suy mu sie durch ziorka. Ja gynau, zamiast je dziobac to on je dowou. Przez pora dni poradziou taki skrzotek couko fura takich ziorkow nasuc, a kej by tam siedziou pora tydni to by i couko izba tym zasuc poradziou. Bezto cza takego skrzotka mituom ze tego poduozka wygoniac, i to jak nojszybciyj. A kto tego niy zrobi to mo dopiyro utrapiynie jak i niy co wiyncyj. Niykere ludzie juzas padajom ize take skrzotki we jedyn dziyn czi sroge kupy zyta nasuc poradzom, a jak gospodorz chce miec jeszcze wiyncyj to tego skrzotka ze mietuom goni aze tyn skrzotek uciyko do komina i tam furgo i z tego blank srogi ogyn sie robi. Potym we kozdo noc z tego ognia juzas sie robi srogo fojerszlanga, kero dziesiync razy tela zirkow zyta bez komin do izby suje. Ta fojerszlanga to je richtik tako dracha(smok), kery z tego ciplika, czyli skrzotka, sie zrobiou. Te co sie na drachach znajom to wiedzom ize kozdy smok sie rodzi we jajku, potym wyglondo jak skrzotek, a jak sie o niego fajnie dbo, to moge sie tysz i przitrefic to coch sam opedziou. Nojwazniyjsze dowac ciplikom, kere sie w doma czimie, dobrze pojesc i czimac je kole ciepuego. Kedys ludzie cipliki w doma czimali, bezto i wiyncyj drachow na swiecie bouo, a dzisiej ..., a dzisiej ino kury po placu lotajom.