Kejs, ale to jusz blank douwno stauo si to we lejse na widowskich gorach.

Szua baba od strony Widowa ze dzieckym na rynce do lasa na grziby. Idze sie tak i jeny nadou paczi i grzibow szukou, asz naroski przed wielkimi wrotoma ze kratow stoji. Aza tymi kroutoma tag jasno jakby tam wtojs fojerka se zrobiou. Baba je bardzo ciekawou i idze blizy tych wrotow i widzi poune gorki zlota, srebra jakes blyszczonce sie kamienie a naroski wtojs do ni goudo: " podz rajn i wejs se co jno chcesz, ale nie zapomni nojwazniejszego". Baba wpazoua rajn i zachua dwoma rynkami brac co jeno poradzoua. Ajak juz nikaj nic nie pasowauo i obie rynce tyz miala poune, to uciekaua s tamtond bo sie boua ze ji wtojs ze tego bogajstwa zanim dodom dojdze odebiere. Blank zadyszanou wyleciaua przes te wrora i sie jeszce roz obrucioua i naroski widzi jak jej maue dzecko za temi juz zawartymi wrotoma siedzi. Baba ciepua t co miaua we rynkach na ziemia, ale we tym samym momyncie wrota straciouy sie jak by onych tam nigdy nie bouo.

Niekedy jak wiater wieje to suychac na widowskich gorach, niedaleko uod Widowa, jakby puaczonce dziecko. A kej indzi widac zajs jakous baba kerou cojsik we ty lejse szukou - ale to jeno bandom grziby.

Ramon