A wiycie jak Slonzoki prziszli do swoich koloczow z posypkom ?

Pod ziymiom na Slonsku niy miyszko ino Skarbnik , tam miyszkajom tysz take blank male ludziki kere poradzom Wos zakludzic do skarbow pod ziymiom . Ale te ludziki som tysz pieronym robotne i tak do przikladu poradzom fajnie robic za kowoli , abo stowiac domy i inksze take roztomaitosci , som tysz take kere warzom i piekom . Te ludziki wylazom ino tak kole grudnia i stycznia na wiyrch (od 24XII do 6I) . Nojwiyncyj ich miyszko kole rzeki Nysy pod takom srooogom gorom . Roz jedna tako blank gryfno frelka z podle Glywic prziszla na taki pomyslunek , coby ino isc do tych ludzikow i sie u nich co mondrego nauczyc .Prawie bol 24XII jak ta dziolszka prziszla pod ta gora i prawie sie ta gora otwarla i wylazowaly sniyj te ludziki . Dziolszka z kole Glywic ino na to czekala i zaro sie piyknie ukloniola tymu nojmynszymu snich .A on jak oboczol co mo do czyniynio ze tak gryfnom i dobrze wychowanom frelkom , to jom zaprosiol rajn do tyj gory i pokozol jyj tam roztomaite roznosci . Pokozol jyj tysz cosik czego juz nigdy niy poradziola zapomniec - bolo to pieczynie koloczow . Dziolszka fajnie podziynkowala tym ludzikom za to ze jyj pora tajymnicow zdradziyli i przizekla im ze bydzie je "pilnowac" , pedziala tysz ze bydzie pilnowac coby inaczyj tych koloczow niy piyc ino tak jak to jyj oni sam pokozali . Na drugi rok prawie na Wilijo pedziala se ze terozki ona upiecze take kolocze ze posypkom . Tak tysz zrobiola i porozdowala po konsku somsiodom i famili , a do tego kozdymu dala na kartce taki przepis . A te sie nadziwic niy poradzili ze tak dobre kolocze idzie piyc . Tak tysz dalyj aze do dzisiej kozdy na jaki fajer taki kolocz piecze i dowo skosztowac konsek inkszym a przepis przetrwol tysz az do dzisiej niy zmiyniony i jak niy wiezycie to pogodejcie ino ze jakoms kobiytom ze Slonska a ona wom abo do skosztowac taki kolocz abo jak zes cie som pozondne ludzie to i tyn przepis od niyj dostoniecie . Te kolocze ze posypkom i jeszcze pora inkszych tajymnicow to je to co tak samo jak naszo slonsko godka momy juz kopa lot i jeszcze druge tela miec bydymy , chyba ze przestonymy tego "pilnowac" . Pra ? No to by bolo na tela , paczcie tam jako i

Pyrsk !