Sam pora porad jak by sie we Glywicach juzas Utopce pokozauy we Kuodce abo i kaj indziyj:

- Na kszokach powiesic blynk dziurawe galoty, we kerych cza przedtym pouno dziurow ekstra jeszcze porobic - Taki utopiec som mo dziurawe galoty i jak ze wody wylazuje to mu z tych dziurow woda uciyko. Bezto piyrsze co zrobi, to weznie i bydzie paczou eli te galoty co na kszokach wiszom, majom wiyncyj abo myniyj dziur jak te od niego. W tym czasie jak taki utopiec te dziury bydzie liczou, bydziecie miec aze za tela czasu coby przed nim uciyc.

- Rzykac do Swiyntyj Paniynki, kero jak wos wysucho to pokoze sie wom i utopcowi blank na biouo oblecono, ze rutom (ruzgom) we rynce, a jak tyn utopiec to obejzy, to zaroz sie straci.

- Miec mit klapsznita swiyzego chleba, utopce pieronym to lubiom i przodki paczom zjesc ta sznita. Jak jedzom to mocie czas uciyc. Podobno dobrze je tysz rano zjesc tako sznita, to couki dziyn mo sie odnich spokoj, ale to je ino chyba take godanie od ludzi i nic wiyncyj. Piyrszy sposob je wiyncyj zicher!

- Jak mocie bajtla, kery nichce godac, abo durch go do wody ciongnie, to abo je od utopca - utopce czynsto zamiynajom ludzke bajtle i dowajom im odnich bajtliczkow - , abo "scie go przi wodzie "robiyli" i utopiec to widziou. Lepiyj se niy "pszoc" kole wody!

- A jak juz niy wiycie jak sie od utopcow opyndzic, to nojlepiyj je powiesic se na karku szkalpiyrz(Skapulier). Jak take cos mocie to nic wom juz niy zrobi zodyn, nowet nojwiyncyj z zielonymi slypiami, utopiec.